“AZMOB” un təşkilatı dəstəyi ilə “Gələcəkdən Baxış” konsepti çərçivəsində Azərbaycanda ilk dəfə İnteryer Mebel Forumu- İMF2024 keçirilib.
30 May 2024-cü il Gülüstan Sarayında bir bütöv günü əhatə etməklə 500-dək iştirakçını, 200-ə yaxın şirkəti bir araya gətirdi.
Ölkəmizdə çalışan memarlar, interyer dizaynerlər, mebel istehsalçıları, ev-dekorasiya məhsullarının satışı ilə məşğul olan sahibkarlar və bu sahədə çalışan xarici şirkətlər forumun əsas iştirakçıları oldu.
Dünya interyer dizayn və mebel sahəsində olan qabaqcıl nümunələrin Azərbaycan bazarında tətbiqinin genişləndirilməsinə xitab edir. İnteryer dizayn peşəsinin üst səviyyəyə gəlməsinə, professional mebel istehsalının ölkəmizdə inkişaf etməsi üçün Forum peşəkarları bir araya gətirdi.
İMF2024-ün əsas məqsədi dizayn sahəsində peşəkar spikerlərin çıxışı və sahə üzrə təcrübələrini müzakirə və təhlil edərək fikir mübadiləsi aparmaq oldu.
500 nəfərin iştirak etdiyi forumda “Müasir mebel necə olmalıdır?”, “Dizayn peşəsinin sirləri: A-dan Z-yə hər şey!” panellər üzrə müzakirələr aparılıb.
Forum Azərbaycanda interyer dizayn və mebel sahəsinin inkişafına dəstəyi və sahə üzrə yerli kadrların daha da təkmilləşdirilməsini hədəfləyir.
